اسلام آباد: (رائیٹ ناوٴ نیوز) وزیر دفاع خواجہ آصف نے ایران پر حالیہ حملے کو افسوسناک قرار دیتے ہوئے دلی رنج کا اظہار کیا ہے۔ انہوں نے اپنے ایکس پیغام میں کہا کہ پاکستان نے ہر ممکن سفارتی اور اخلاقی طریقے سے ایران کی حمایت کی ہے اور اقوام متحدہ میں بھی ایران کے خلاف حملوں کی مذمت کی ہے۔ خواجہ آصف نے پاکستان کی مذہبی جماعتوں اور عوام سے اپیل کی ہے کہ تحمل کا مظاہرہ کریں۔

خواجہ آصف نے مزید کہا کہ اگر ملک کے اندر احتجاج کو شدت میں بدلا جائے یا قانون کو ہاتھ میں لیا جائے تو یہ دشمن کے منصوبوں کو فائدہ دے گا۔ ہم سب کی ذمہ داری ہے کہ اپنے جذبات کو قابو میں رکھیں اور احتجاج کو پرامن رکھیں تاکہ ملک کے اندر کسی بھی قسم کی بدامنی یا نقصان سے بچا جا سکے۔