بیجنگ: (رائیٹ ناوٴ نیوز) چین نے امریکا اور اسرائیل کے ایران پر حالیہ حملوں کی سخت مذمت کی ہے اور انہیں عالمی قوانین کی خلاف ورزی قرار دیا ہے۔ چین کی وزارت خارجہ نے تمام فریقین سے فوری طور پر فوجی آپریشنز بند کرنے کا مطالبہ کرتے ہوئے علاقائی سالمیت اور خودمختاری کے احترام پر زور دیا ہے۔

چین نے مزید بتایا ہے کہ ایران سے تین ہزار سے زائد چینی شہریوں کا انخلا مکمل ہوا ہے جبکہ باقی شہریوں کو بھی فوری طور پر ایران چھوڑنے کی ہدایت دی گئی ہے۔ تہران میں ایک چینی شہری کی ہلاکت کی رپورٹ کے بعد چین نے تمام فریقین پر جنگ بندی اور مذاکرات کے ذریعے کشیدگی کو روکنے کے لیے زور دیا ہے۔