اردن کی فوج نے 49 ڈرون اور بیلسٹک میزائل کامیابی سے ناکام بنائے، جانی نقصان کی اطلاع نہیں۔
عمان: (رائیٹ ناوٴ نیوز) اردن کی فوج نے اعلان کیا ہے کہ آج ملک کی فضائی حدود کو نشانہ بنانے والے 49 ڈرون اور بیلسٹک میزائل روک لیے گئے۔ فوجی ذرائع کے مطابق 13 بیلسٹک میزائل فضائی دفاعی نظام کے ذریعے کامیابی سے تباہ کیے گئے جبکہ متعدد ڈرونز کو بھی مار گرایا گیا۔
فوجی کارروائی کے دوران کچھ مادی نقصان ہوا ہے لیکن خوش قسمتی سے جانی نقصان کی کوئی اطلاع نہیں ملی ہے۔
مشرق وسطیٰ میں بڑھتی کشیدگی کے پیش نظر کئی ممالک نے اپنی فضائی نگرانی اور دفاعی اقدامات کو مزید سخت کر دیا ہے۔
