تل ابیب: (رائیٹ ناوٴ نیوز) ایران نے اسرائیل پر میزائل حملہ کیا ہے جس کے بعد اسرائیلی دفاعی نظام متحرک ہو گئے ہیں۔ اسرائیلی فوج نے بتایا ہے کہ ایران کی جانب سے داغے گئے میزائلوں کی نشاندہی کے بعد ملک کے کئی علاقوں میں سائرن بجائے گئے۔

ایران کے اس حملے سے پہلے امریکہ اور اسرائیل نے ایران پر حملے کیے تھے، جس پر ایرانی حکام نے سخت ردعمل دینے کا اعلان کیا تھا۔ ان حملوں میں ایران کی متعدد سرکاری تنصیبات کو نشانہ بنایا گیا تھا۔

ایرانی میڈیا کے مطابق مغربی شہر ایلام میں دھماکوں کی آوازیں سنی گئی ہیں، تاہم جانی نقصان کی تفصیلات موصول نہیں ہوئیں۔ امریکی صدر نے کہا کہ ایران کے میزائل امریکہ اور دیگر کو خطرہ پہنچا سکتے ہیں اور ایرانی بحریہ کو ختم کرنے کا عندیہ دیا ہے۔

ایران کے حکام نے بتایا ہے کہ حساس سرکاری تنصیبات کو نشانہ بنانے کے بعد سیکیورٹی ہائی الرٹ کر دی گئی ہے اور جوابی کارروائی کی تیاری کی جا رہی ہے۔