تہران: (رائیٹ ناوٴ نیوز) روس اور ایران نے پاکستان اور افغانستان کے درمیان کشیدگی کم کرنے کے لیے ثالثی کی پیشکش کی ہے۔ ایرانی وزیر خارجہ عباس عراقچی نے رمضان کے موقع پر دونوں ممالک کو اختلافات مکالمے کے ذریعے حل کرنے کا مشورہ دیا ہے۔ انہوں نے کہا کہ ایران ہر ممکن مدد فراہم کرنے کے لیے تیار ہے تاکہ دونوں ممالک کے درمیان بات چیت کو فروغ دیا جا سکے۔

روسی وزیر خارجہ سرگئی لاوروف نے بھی پاکستان اور افغانستان سے فوری جنگ بندی کا مطالبہ کیا ہے۔ روسی دفتر خارجہ نے دونوں ممالک کو سفارتی ذرائع سے اختلافات حل کرنے کی ترغیب دی ہے اور ثالثی کے کردار کی پیشکش کی ہے۔

ایران نے پہلے بھی سرحدی کشیدگی کے دوران ثالثی کی پیشکش کی تھی۔