کراچی: (رائیٹ ناوٴ نیوز) زمین تقریباً 1670 کلومیٹر فی گھنٹہ کی رفتار سے گھوم رہی ہے، مگر ہم اس کو محسوس نہیں کر پاتے۔ اس کی بنیادی وجہ یہ ہے کہ زمین کی گردش انتہائی ہموار اور یکساں ہے، جس میں ہم اور ہمارے اردگرد کی تمام چیزیں ایک ساتھ حرکت کرتی ہیں۔

کششِ ثقل کی قوت زمین کی تیز رفتار گردش میں اہم کردار ادا کرتی ہے، جو ہر چیز کو زمین کے مرکز کی طرف کھینچ کر رکھتی ہے، اسی لیے ہمیں جھٹکا نہیں لگتا۔

زمین کی حرکت کے کچھ واضح ثبوت موجود ہیں، جیسے کہ سمندری طوفانوں کا مختلف سمتوں میں گھومنا اور آزاد پنڈولم کی سمت میں تبدیلی۔

سائنس دانوں کے مطابق زمین ساڑھے چار ارب سالوں سے مسلسل اور متوازن انداز میں گھوم رہی ہے، جس کی وجہ سے ہمیں ساکن محسوس ہوتی ہے، حالانکہ ہم تیز رفتار سفر میں ہیں۔