واشنگٹن: (رائیٹ ناوٴ نیوز) امریکی صدر ڈونلڈ ٹرمپ نے سپریم کورٹ کے فیصلے کے بعد تمام ممالک پر 10 فیصد ٹیرف عائد کر دیا ہے۔

امریکی سپریم کورٹ نے ٹرمپ کے عالمی ٹیرف منصوبے کو غیر قانونی قرار دیا تھا کیونکہ وہ قانونی منظوری کے بغیر نافذ کیا گیا تھا۔

ٹرمپ نے فیصلے کی مذمت کرتے ہوئے فوری طور پر نئے ایگزیکٹو آرڈر کے ذریعے 10 فیصد ٹیرف کا اعلان کیا، جو 150 دنوں تک نافذ رہے گا، بشرطیکہ کانگریس توسیع نہ دے۔

نیا ٹیرف تمام درآمدات پر لاگو ہوگا، کچھ ممالک جیسے کینیڈا اور میکسیکو کو بعض استثنات دی گئی ہیں۔

سپریم کورٹ کا فیصلہ ٹرمپ کی تجارتی پالیسی کے لیے بڑا دھچکا تصور کیا جا رہا ہے، جبکہ نئے ٹیرف سے عالمی تجارتی تناؤ میں اضافہ ہوا ہے۔