واشنگٹن: (رائیٹ ناوٴ نیوز) امریکی محکمہ خارجہ نے ایک نئے آن لائن پورٹل کی تیاری شروع کی ہے، جس کا مقصد یورپ اور دیگر علاقوں میں پابندی شدہ مواد تک رسائی فراہم کرنا ہے۔ اس پورٹل کو ‘freedom.gov’ کا نام دیا جائے گا اور اس میں وی پی این کی سہولت بھی شامل ہو سکتی ہے، جو صارف کا انٹرنیٹ استعمال امریکا سے ظاہر کرے گی۔

اس منصوبے کی قیادت محکمہ خارجہ کی انڈر سیکریٹری برائے پبلک ڈپلومیسی سارہ راجرز کر رہی ہیں۔ میونخ سیکیورٹی کانفرنس میں اس کا اعلان متوقع تھا، مگر تاخیر کا شکار ہوا۔ محکمہ خارجہ کے ترجمان نے کہا کہ اعلان میں کوئی تاخیر نہیں ہوئی۔

ماہرین کا خیال ہے کہ یہ پورٹل یورپی قوانین کے خلاف ہو سکتا ہے، جہاں نفرت انگیز مواد اور انتہا پسندی کے پروپیگنڈے کو روکنے کے لیے سخت قوانین موجود ہیں۔ امریکا پہلے بھی دیگر ممالک میں آزاد معلومات تک رسائی کے لیے وی پی این کی حمایت کرتا رہا ہے۔