مظفرآباد: (رائیٹ ناوٴ نیوز) آزاد کشمیر قانون ساز اسمبلی کے باہر اپوزیشن نے پریس کانفرنس میں حکومت کو سخت تنقید کا نشانہ بنایا۔ اپوزیشن رہنما شاہ غلام قادر نے کہا کہ آزاد کشمیر ایک حساس خطہ ہے اور عوامی مسائل پر اسمبلی میں گفتگو ہونی چاہیے۔ انہوں نے خبردار کیا کہ پیپلز پارٹی کی حکومت کے پاس واضح اکثریت نہیں ہے، اگر رویہ درست نہ کیا گیا تو عدم اعتماد کی تحریک لائی جا سکتی ہے۔

سابق وزیراعظم راجہ فاروق حیدر نے اسمبلی میں قرارداد مذمت کی منظوری کو غیرمعمولی اقدام قرار دیا اور کہا کہ پانچواں وزیراعظم بھی آ سکتا ہے۔ اپوزیشن رہنما خواجہ فاروق احمد نے اسمبلی کی مدت پوری ہونے اور بروقت انتخابات کے حق میں ہونے کا اظہار کیا۔

سابق وزیراعظم چودھری انوارالحق نے بتایا کہ اسمبلی اجلاس کے لیے ریکوزیشن جمع کرائی گئی ہے اور حکومت کو ایوان میں جواب دینا ہوگا۔ اپوزیشن نے سیاسی معاملات کو آئینی دائرے میں حل کرنے کا مطالبہ کیا۔