اسلام آباد: (رائیٹ ناوٴ نیوز) چیئرمین پی ٹی آئی بیرسٹر گوہر نے کہا ہے کہ عمران خان کی صحت کا معاملہ انتہائی سنجیدہ ہے اور اس پر کوئی سیاست نہیں کی جا رہی۔ انہوں نے وزیر داخلہ محسن نقوی کی پریس کانفرنس پر ردعمل دیتے ہوئے کہا کہ ہمارا مطالبہ فیملی یا ذاتی معالج کو رسائی دینے کا تھا۔

بیرسٹر گوہر نے کہا کہ ہمارا مطالبہ تھا کہ عمران خان کو اسپتال منتقل کیا جائے، اور اسی وجہ سے طبی معائنے میں بھی شریک نہیں ہوئے۔ انہوں نے مزید کہا کہ ملاقاتوں پر پابندی لگا کر مسئلے کو پیچیدہ کر دیا گیا ہے۔

بیرسٹر سلمان اکرم راجہ نے کہا کہ بیرسٹر سلمان صفدر کی رپورٹ کے مطابق عمران خان کی آنکھ میں مسئلہ ہے جبکہ سرکاری رپورٹ میں بتایا گیا کہ آنکھ میں بہتری آئی ہے۔ انہوں نے سوال اٹھایا کہ عاصم یوسف، جو عمران خان کے ذاتی معالج ہیں، کو اندر کیوں نہیں جانے دیا جا رہا؟

پی ٹی آئی چیئرمین کی بہنوں کو بھی اڈیالہ جیل جانے کی اجازت نہیں دی گئی، جبکہ عمران خان اور بشریٰ بی بی کی ملاقات کروا دی گئی جو 30 منٹ تک جاری رہی۔ اپوزیشن اتحاد نے عمران خان تک ذاتی معالجین کی رسائی کے لیے رابطے بڑھانے کا فیصلہ کیا ہے۔