ڈھاکہ: (رائیٹ ناوٴ نیوز) بنگلہ دیشی میڈیا نے اطلاع دی ہے کہ متوقع وزیراعظم طارق رحمان کی حلف برداری کی تقریب میں انڈین وزیراعظم نریندر مودی اور پاکستانی وزیراعظم شہباز شریف کو مدعو کیا جائے گا۔ تقریب 17 فروری کو منعقد ہوگی اور عبوری حکومت اس کا انعقاد کرے گی۔\n\nبنگلہ دیش نیشنلسٹ پارٹی نے 13 ویں قومی پارلیمانی انتخابات میں واضح اکثریت حاصل کرنے کے بعد حکومت کی تشکیل کا عمل شروع کر دیا ہے۔ پارٹی نے دو تہائی نشستیں جیت کر حکومت بنانے کا اعلان کیا ہے۔\n\nتقریب میں سارک کے رکن ممالک اور مشرقِ وسطیٰ کے ممالک کے سربراہانِ حکومت کو مدعو کرنے کی تیاریاں جاری ہیں۔ بی این پی ذرائع کے مطابق، یہ اقدام علاقائی تعاون کو مضبوط بنانے کا اشارہ ہے۔\n\nمتوقع وزیراعظم طارق رحمان نے انتخابات کے بعد معیشت کی بحالی، امن و امان اور گڈ گورننس کو اپنی اولین ترجیحات قرار دیا ہے۔