نئی دہلی: (رائیٹ ناوٴ نیوز) آئی سی سی ٹی ٹوئنٹی ورلڈ کپ میں سری لنکا نے عمان کو 105 رنز سے شکست دے دی۔ سری لنکا نے پہلے کھیلتے ہوئے 225 رنز کا بڑا مجموعہ بنایا اور عمان کو جیتنے کے لیے 226 رنز کا ہدف دیا۔

عمان نے ٹاس جیت کر پہلے فیلڈنگ کا فیصلہ کیا، لیکن سری لنکا کے پون رتھنایئکے نے 28 گیندوں پر 60 اور کوشال مینڈس نے 45 گیندوں پر 61 رنز بنا کر ٹیم کو مضبوط پوزیشن میں پہنچایا۔ دونوں کے درمیان 94 رنز کی شراکت ٹی ٹوئنٹی ورلڈ کپ کی سب سے بڑی شراکت رہی۔

عمان کی جانب سے محمد ندیم نے 53 رنز بنائے اور ناٹ آؤٹ رہے، تاہم ان کے علاوہ کوئی کھلاڑی قابل ذکر کارکردگی نہیں دکھا سکا۔ عمان کی ٹیم مقررہ 20 اوورز میں 120 رنز بنا سکی۔

سری لنکا کے کپتان داسن شاناکا نے 19 گیندوں پر تیز ترین نصف سنچری اسکور کر کے ٹیم کو مزید مضبوط کیا۔ عمان کے جیتین رامانندی نے دو وکٹیں حاصل کیں جبکہ جے اوڈیڈرا اور سفیان محمود نے ایک ایک کھلاڑی کو آؤٹ کیا۔