لاہور: (رائیٹ ناوٴ نیوز) لاہور میں پی ایس ایل پلیئرز آکشن میں پاکستانی انڈر 19 کرکٹر سمیر منہاس کو اسلام آباد یونائیٹڈ نے 1.9 کروڑ روپے میں خرید لیا۔ 800 سے زائد ملکی و غیر ملکی کھلاڑیوں میں سمیر کی شاندار کارکردگی نے انہیں نمایاں کیا۔

سمیر منہاس نے حال ہی میں پاکستان انڈر 19 ٹیم کے لیے شاندار کارکردگی کا مظاہرہ کیا، خاص طور پر زمبابوے کے خلاف ون ڈے ٹرائی سیریز کے فائنل میں 42 گیندوں پر تیز ترین سنچری بنا کر۔

ملتان کے سمیر منہاس نے بھارت کے خلاف فائنل میں بھی 113 گیندوں پر 172 رنز بنائے تھے، جس کی بدولت انہیں پلیئر آف دی ٹورنامنٹ قرار دیا گیا۔

آکشن میں اسلام آباد یونائیٹڈ اور کوئٹہ گلیڈیئٹر کے درمیان سمیر کو خریدنے کے لیے سخت مقابلہ ہوا، جس میں آخرکار اسلام آباد یونائیٹڈ نے کامیابی حاصل کی۔