بھارتی ٹیم نے پاکستان کے خلاف ٹی ٹوئنٹی ورلڈکپ میچ کو چیلنج قرار دیا ہے، جبکہ پاکستان 15 فروری کو کولمبو میں کھیلنے کو تیار ہے۔
کولمبو: (رائیٹ ناوٴ نیوز)بھارتی ٹیم نے ٹی ٹوئنٹی ورلڈکپ میں پاکستان کے خلاف میچ کو چیلنج قرار دیا ہے، جبکہ پاکستان نے 15 فروری کو شیڈول میچ کھیلنے کا فیصلہ کیا ہے۔ بھارتی ٹیم کے اسسٹنٹ کوچ ریان ٹین ڈوشیٹ نے کہا کہ میچ کا دوبارہ شیڈول خوش آئند ہے اور تیاریوں میں کوئی تبدیلی نہیں کی گئی۔ پاکستان کولمبو میں موجود ہے، جس کی وجہ سے مقابلہ بھارت کے لیے آسان نہیں ہوگا۔
بھارتی ٹیم کے مطابق گروپ اے میں اگلا میچ نمیبیا کے خلاف دہلی میں ہوگا، جس کے بعد ٹیم کولمبو جائے گی۔ پاکستان کے میچ کھیلنے کے فیصلے کو کرکٹ حلقوں نے مثبت قرار دیا ہے۔ انٹرنیشنل کرکٹ کونسل اور دیگر اداروں کے مذاکرات کے بعد یہ فیصلہ ہوا۔
واضح رہے کہ بنگلہ دیش کے بھارت میں میچ نہ کھیلنے کے بعد پاکستان نے بھارت کے خلاف میچ نہ کھیلنے کا اعلان کیا تھا، لیکن اب پاکستان اپنی تمام میچز سری لنکا میں کھیلے گا۔ سری لنکن صدر نے اس فیصلے کی تعریف کی ہے۔
