واشنگٹن: (رائیٹ ناوٴ نیوز)امریکی صدر ڈونلڈ ٹرمپ نے خبردار کیا ہے کہ اگر ایران کے ساتھ معاہدہ نہ ہوا تو امریکا کو سخت کارروائی کرنی پڑے گی۔ انہوں نے اسرائیلی ٹی وی کو انٹرویو میں کہا کہ یا تو معاہدہ ہوگا یا سخت اقدامات ناگزیر ہوں گے۔

ٹرمپ نے مزید کہا کہ امریکا مشرق وسطیٰ میں بحری موجودگی بڑھانے پر غور کر رہا ہے اور ایک طیارہ بردار بحری بیڑا بھیجا جا سکتا ہے۔ ان کے مطابق ایران معاہدہ چاہتا ہے، تاہم جوہری پروگرام پر کشیدگی برقرار ہے۔

.@POTUS: We have a massive flotilla right now going over to Iran. I think they want to make a deal. I think they would be foolish if they didn’t. We took out their nuclear power last time and we’ll have to see if we take out more this time… pic.twitter.com/q1G8qMvmHm

— Department of State (@StateDept) February 10, 2026

گزشتہ ماہ امریکا نے ایران میں مظاہروں کے بعد فوجی کارروائی کی دھمکی دی تھی، جس کے جواب میں ایک نیول اسٹرائیک گروپ مشرق وسطیٰ میں تعینات کیا گیا۔ بعد ازاں، عمان میں دونوں ممالک کے درمیان بات چیت ہوئی جسے ایران نے مثبت آغاز قرار دیا۔

ایرانی وزیر خارجہ عباس عراقچی نے کہا کہ امریکا کے ساتھ مذاکرات کی امید ہے، تاہم میزائل پروگرام مذاکرات کا حصہ نہیں بنے گا۔ انہوں نے خبردار کیا کہ ایرانی سرزمین پر حملے کی صورت میں امریکی اڈوں کو نشانہ بنایا جائے گا۔