پشاور: (رائیٹ ناوٴ نیوز) پاکستان تحریک انصاف نے بڑے احتجاج کی تیاریاں شروع کر دی ہیں۔ وزیراعلیٰ خیبرپختونخوا سہیل آفریدی کے لیے خصوصی کنٹینر تیار کرلیا گیا ہے۔

پارٹی ذرائع کے مطابق 40 فٹ لمبے کنٹینر میں واش روم اور بیٹھنے کی جگہ بنائی گئی ہے جبکہ اس پر ‘آزادی یا موت’ درج کیا گیا ہے۔ کنٹینر کو ممکنہ احتجاج میں مرکزی اسٹیج کے طور پر استعمال کیا جائے گا۔

وزیراعلیٰ سہیل آفریدی نے پارٹی رہنماؤں کے ساتھ احتجاج کی حکمت عملی پر ملاقاتیں کی ہیں۔ پارٹی قیادت کی جانب سے حتمی اعلان اور تاریخ سے متعلق مشاورت جاری ہے جبکہ کارکنان کو تیار رہنے کی ہدایات دی گئی ہیں۔

پاکستان تحریک انصاف کے چیئرمین بیرسٹر گوہر نے کہا ہے کہ اسلام آباد کی جانب مارچ کا کوئی ارادہ نہیں ہے اور اس حوالے سے خبریں درست نہیں ہیں۔