سڈنی: (رائیٹ ناوٴ نیوز) اسرائیلی صدر آئزک ہرزوگ کے دورہ آسٹریلیا پر پیر کو متعدد شہروں میں مظاہرین نے احتجاج کیا، جس کی وجہ غزہ میں اسرائیلی کارروائیوں پر تنقید تھی۔ سڈنی میں پولیس اور مظاہرین کے درمیان شدید جھڑپیں ہوئیں۔

پولیس نے مظاہرین کو قابو میں رکھنے کے لیے کالی مرچ کے اسپرے اور آنسو گیس کا استعمال کیا۔ ان جھڑپوں کے نتیجے میں متعدد افراد کو حراست میں لے لیا گیا۔

اسرائیلی صدر کا دورہ سڈنی میں بونڈی بیچ پر ہونے والی ہنوکا تقریب میں فائرنگ کے واقعے کے بعد آسٹریلیا کی یہودی برادری سے یکجہتی کا اظہار کرنے کے لیے تھا۔

آسٹریلوی حکام نے دورے سے قبل خصوصی اختیارات استعمال کرتے ہوئے مخصوص علاقوں میں داخلے پر پابندی لگا دی تھی، جسے فلسطین کے حامی گروپ نے عدالت میں چیلنج کیا، لیکن درخواست مسترد کر دی گئی۔

بونڈی بیچ واقعے کی یاد میں دعائیہ تقریب کا انعقاد بھی ہوا جس میں اسرائیلی صدر سمیت یہودی برادری اور آسٹریلوی حکام نے شرکت کی۔