تیسری پن برقی نظام میں خرابی سے تحفظ کے لیے ضروری ہوتی ہے جبکہ کچھ مصنوعات کو اس کی ضرورت نہیں ہوتی۔
کراچی: (رائیٹ ناوٴ نیوز) کچھ پلگز میں دو جبکہ کچھ میں تین پنز ہوتی ہیں، جس کی وجہ اکثر لوگوں کے لیے سوالیہ نشان بن جاتی ہے۔ تیسری پن کو ‘گراؤنڈ پرونگ’ کہا جاتا ہے اور یہ برقی تحفظ کے لیے نہایت اہم ہے۔
گراؤنڈ پن لوگوں اور گھروں کو برقی نظام کی خرابی سے ممکنہ نقصان سے بچاتی ہے۔ یہ اضافی بجلی کو جمع ہونے یا جسم تک پہنچنے سے روکتی ہے اور بجلی کی روانی کو ہموار رکھتی ہے۔
یہ پن برقی نظام کے گراؤنڈ وائر سے جڑی ہوتی ہے، جو زمین سے مربوط ہوتی ہے تاکہ اضافی بجلی زمین کی طرف منتقل ہو سکے۔
تاہم، کچھ چھوٹی اور کم بجلی خرچ کرنے والی مصنوعات کو گراؤنڈ پن کی ضرورت نہیں ہوتی، اس لیے ان کے پلگز میں دو پنز ہی کافی ہوتی ہیں۔
