اسلام آباد: (رائیٹ ناوٴ نیوز) وفاقی وزیراطلاعات و نشریات عطا تارڑ نے بیرسٹر گوہر کو کمیٹیوں میں واپسی کی پیشکش کی ہے۔ انہوں نے کہا کہ حکومت نے بھارت کے ساتھ نہ کھیلنے کا فیصلہ بھرپور مشاورت کے بعد کیا ہے۔ بنگلا دیش نے اس فیصلے پر خوشی کا اظہار کیا ہے۔

عطا تارڑ نے ایک پروگرام میں گفتگو کرتے ہوئے کہا کہ پی سی بی حکومت سے رابطہ کرے تو ہم مزید دیکھیں گے۔ انہوں نے مزید کہا کہ عوام نے پی ٹی آئی کی شٹرڈاؤن کی کال کو مسترد کر دیا ہے اور دکانیں کھلی ہیں۔

وفاقی وزیر نے کہا کہ بیرسٹر گوہر کی واپسی کی پیشکش اپوزیشن کے تمام اقدامات کے بعد کی گئی ہے۔ انہوں نے مزید کہا کہ اگلا ہفتہ بہت اہم ہوگا اور بانی پی ٹی آئی کو بنی گالہ منتقل کرنے کی کوئی تجویز نہیں ہے۔