گوہاٹی: (رائیٹ ناوٴ نیوز) بھارت کی ریاست آسام میں بی جے پی کی جانب سے نشر کردہ ویڈیو نے نیا تنازع کھڑا کر دیا۔ اس ویڈیو میں وزیراعلیٰ ہمانتا بسوا سرما کو مسلمانوں کے خلاف تشدد پر اُکسانے کی کوشش کی گئی تھی، جس پر اپوزیشن جماعتوں نے سخت مذمت کی۔ ویڈیو ڈیلیٹ کر دی گئی۔

ویڈیو میں وزیراعلیٰ کو رائفل چلاتے اور باریش افراد کو نشانہ بناتے دکھایا گیا، جس پر ‘بالکل قریب سے گولی مارنا’ کی عبارت درج تھی۔ اپوزیشن نے اسے نسل کشی پر اکسانے کی کوشش قرار دیا۔

ویڈیو کے بعد کانگریس نے مطالبہ کیا کہ عدالت نوٹس لے، جبکہ بی جے پی کی سوچ کو نفرت انگیز قرار دیا گیا۔ ہمانتا بسوا سرما کے ماضی کے متنازع بیانات بھی دوبارہ زیر بحث آئے۔

آسام میں اپریل 2026 میں انتخابات متوقع ہیں، ماہرین کا کہنا ہے کہ ایسی ویڈیوز کا مقصد سیاسی فائدہ حاصل کرنا ہے۔