اسلام آباد: (رائیٹ ناوٴ نیوز) چیئرمین تحریک انصاف بیرسٹر گوہر نے وزیر اطلاعات عطا تارڑ کے بیان کو غیر ذمہ دارانہ قرار دیتے ہوئے ان سے معافی کا مطالبہ کیا۔

بیرسٹر گوہر نے کہا کہ اس وقت قوم کو اتحاد کی ضرورت ہے اور وزیر اطلاعات کا بیان اتفاق کو نقصان پہنچا سکتا ہے۔ انہوں نے زور دیا کہ اس وقت یکجہتی کے ساتھ دہشت گردی کی مذمت کی جانی چاہیے۔

وفاقی وزیر اطلاعات عطا تارڑ نے لاہور میں پریس کانفرنس کے دوران کہا تھا کہ ملک میں حالیہ دہشت گردی کے پیچھے پی ٹی آئی کا ہاتھ ہے۔