نیویارک: (رائیٹ ناوٴ نیوز) گوگل نے اپنے نئے اسمارٹ فون ‘پکسل 10 اے’ کا اعلان کر دیا ہے، جو 18 فروری 2026 سے پری آرڈر کے لیے دستیاب ہوگا۔ یہ فون پچھلے ماڈل پکسل 9 اے کے مقابلے میں ایک ماہ پہلے لانچ کیا جا رہا ہے۔\n\nپکسل 10 اے کا ڈیزائن پچھلے ماڈل جیسا ہے جس میں کیمرے کا بَمپ نہیں ہے، یعنی اس کا پچھلا حصہ صاف اور ہموار ہے۔ ویڈیو کے مطابق یہ بجٹ فرینڈلی فون ممکنہ طور پر چار رنگوں میں دستیاب ہوگا: کالا، ہلکا جامنی، سرخ مائل گلابی اور سلیٹی۔\n\nہارڈویئر لیکس کے مطابق، فون میں ٹینسر جی 4 چپ سیٹ، 6.3 انچ کا 120 ہرٹز ایمولیڈ ڈسپلے اور 5,100 ایم اے ایچ بیٹری ہوگی جو 23 واٹ فاسٹ چارجنگ کو سپورٹ کرے گی۔ اس کی متوقع قیمت تقریباً 500 امریکی ڈالر ہوگی۔