ایمنسٹی انٹرنیشنل نے وزیراعظم سے وکلا ایمان مزاری اور ہادی علی چٹھہ کی فوری رہائی کا مطالبہ کیا ہے، جنہیں ریاست مخالف مواد کے مقدمے میں سزا سنائی گئی۔
اسلام آباد: (رائیٹ ناوٴ نیوز) ایمنسٹی انٹرنیشنل نے وزیراعظم شہباز شریف سے انسانی حقوق کی وکلا ایمان مزاری اور ہادی علی چٹھہ کی فوری اور غیر مشروط رہائی کا مطالبہ کیا ہے۔ تنظیم نے عوام سے بھی مطالبہ کیا کہ وہ وزیراعظم کو خطوط لکھ کر اس سلسلے میں آواز اٹھائیں۔
ایمنسٹی کے مطابق ایمان مزاری اور ہادی علی چٹھہ کو ریاست مخالف مواد کی بنیاد پر مقدمے میں سزا سنائی گئی ہے جو اگست 2025 میں نیشنل سائبر کرائم انویسٹی گیشن ایجنسی کی جانب سے پیکا 2016 کے تحت درج کیا گیا تھا۔
🇵🇰 PAKISTAN: Amnesty International has issued an Urgent Action calling for the immediate and unconditional release of human rights lawyers Imaan Mazari and Hadi Ali Chattha, each sentenced to 10 years in prison over social media posts labelled “anti-state”. Since their arrest on… pic.twitter.com/6mzPAS7GIk
— Amnesty International South Asia, Regional Office (@amnestysasia) February 2, 2026
تنظیم نے کہا کہ مقدمے کی سماعت غیر معمولی عجلت میں کی گئی اور ملزمان کو دفاع کا مکمل موقع نہیں دیا گیا، جبکہ سزا اس وقت سنائی گئی جب جج کے خلاف تبادلے کی درخواست زیرِ التوا تھی۔
ایمنسٹی کے بیان کے مطابق ایمان مزاری اور ہادی علی چٹھہ ماضی میں بھی کئی افراد کے حقوق کا دفاع کر چکے ہیں اور ان کی قید سے متاثرین کے بنیادی حقوق متاثر ہو رہے ہیں۔
Statement by EU Spokesperson on the conviction of Human rights lawyers Imaan Mazari and Hadi Ali Chattha. https://t.co/Vzc6yXI6uz
— EUPakistan (@EUPakistan) January 29, 2026
دفتر خارجہ نے تنقید کو مسترد کرتے ہوئے کہا کہ یہ پاکستان کا داخلی معاملہ ہے اور مقدمہ ملکی قوانین کے تحت چلایا گیا، جبکہ ملزمان کو اپیل کا حق دیا گیا۔ ایمان مزاری اور ہادی علی چٹھہ کو 23 جنوری کو گرفتار کیا گیا تھا اور انہیں 17، 17 سال قید کی سزا سنائی گئی۔
