سینٹ پیٹرزبرگ: (رائیٹ ناوٴ نیوز) روس کے شہر سینٹ پیٹرزبرگ میں اتوار کی رات ایک دلکش فلکیاتی منظر دیکھا گیا جب آسمان پر چاند کے ساتھ تین مزید روشن دھبے نمودار ہوئے، یوں محسوس ہوا جیسے آسمان پر چار چاند موجود ہوں۔ ماہرین کے مطابق یہ منظر ‘پیراسیلین’ کہلاتا ہے، جسے عام زبان میں ‘فرضی چاند’ بھی کہا جاتا ہے۔ یہ منظر سرد موسم میں چاند کی روشنی کے برف کے ذرات سے گزرنے پر ظاہر ہوتا ہے، جس کے نتیجے میں چاند کے اطراف اضافی روشن دھبے نظر آتے ہیں۔

ماہرین کا کہنا ہے کہ پیراسیلین عموماً چاند سے تقریباً 22 ڈگری یا اس سے زیادہ فاصلے پر دکھائی دیتے ہیں اور یہ اصل چاند کے مقابلے میں مدھم ہوتے ہیں۔ سینٹ پیٹرزبرگ میں ایک ساتھ کئی پیراسیلین نظر آئے، جس نے آسمان پر چار چاند ہونے کا تاثر پیدا کیا۔ یہ منظر موسمی اور فضائی حالات کی وجہ سے غیر معمولی اور یادگار بن گیا۔