لاہور: (رائیٹ ناوٴ نیوز) پاکستان کی پہلی پنجاب ایگریکلچر فوڈ اینڈ ڈرگ اتھارٹی کا افتتاح وزیراعظم شہباز شریف اور وزیراعلیٰ مریم نواز نے کیا۔ اس موقع پر انہوں نے مختلف حصوں کا معائنہ کیا اور لیبارٹری کی بریفنگ لی۔

وزیراعظم نے اتھارٹی کے قیام کو اہم اقدام قرار دیتے ہوئے کہا کہ یہ ادارہ خوراک اور زرعی ادویات کی نگرانی کے لیے ضروری تھا اور یہ خطے میں سینٹر آف ایکسی لینس بنے گا۔ انہوں نے 20 سال پہلے کراچی میں لیب کے قیام کا ذکر کیا اور دوست ملک کی گرانٹ کا حوالہ دیا۔

وزیراعلیٰ مریم نواز نے کہا کہ اتھارٹی کا قیام عوامی خدمت کا ثبوت ہے اور پنجاب ترقی کی راہ پر گامزن ہے۔ انہوں نے جدید لیب کی عدم موجودگی کو لمحہ فکریہ قرار دیا اور بتایا کہ سیٹلائٹ کرائم سین یونٹس کا دائرہ 38 اضلاع تک پھیلایا جا رہا ہے۔

مزید کہا کہ اتھارٹی 10 سال کی محنت کا ثمر ہے اور اس کے قیام میں ہر فرد کی محنت شامل ہے۔ انہوں نے پنجاب میں ڈیجیٹل انقلاب کے آغاز کا بھی ذکر کیا۔