بندرعباس: (رائیٹ ناوٴ نیوز) ایرانی اسلامی انقلابی گارڈز کور نیوی کے کمانڈر ریئر ایڈمرل علی رضا تنگسیری کی مبینہ ہلاکت کی خبروں کو غلط قرار دیا گیا ہے۔

ایرانی خبر رساں ادارے مہر نیوز ایجنسی نے تصدیق کی ہے کہ بندرعباس میں کوئی حملہ یا ہلاکت کا واقعہ پیش نہیں آیا اور سوشل میڈیا پر پھیلائی جانے والی اطلاعات بے بنیاد ہیں۔

حال ہی میں متعدد ٹیلیگرام چینلز پر دعویٰ کیا گیا تھا کہ آئی آر جی سی نیوی کے کمانڈر کو نشانہ بنایا گیا ہے، تاہم اس کی کوئی تصدیق نہیں ہو سکی۔

تسنیم نیوز ایجنسی کی جانب سے مزید چھان بین میں بھی واضح کیا گیا کہ یہ دعویٰ مکمل طور پر غلط ہے۔ باخبر حلقوں کے مطابق یہ افواہ ایران مخالف عناصر کی جانب سے نفسیاتی دباؤ کی مہم کے تحت پھیلائی گئی۔