سورت: (رائیٹ ناوٴ نیوز) سلمان خان کی ایک روبوٹ کے ساتھ ملاقات کی ویڈیو سوشل میڈیا پر وائرل ہو گئی ہے۔ انڈین اسٹریٹ پریمیئر لیگ (آئی ایس پی ایل) سیزن 3 کے میچ میں سلمان خان کو چیف گیسٹ کے طور پر مدعو کیا گیا تھا۔

جب سلمان خان نے روبوٹ کے ساتھ ہاتھ ملانے کی کوشش کی تو روبوٹ کچھ لمحے ہچکچاہٹ کا شکار رہا، جس پر حاضرین ہنس پڑے۔ کچھ دیر بعد روبوٹ نے بھی ہاتھ بڑھایا اور یہ لمحہ سوشل میڈیا پر مزاحیہ تبصروں کا مرکز بن گیا۔

ویڈیو میں صارفین نے مختلف طنزیہ تبصرے کیے جیسے ‘روبوٹ بھی سلمان بھائی سے ہاتھ ملانے میں شرما گیا’ اور ‘بھائی کے سامنے روبوٹ عاجز ہو گیا’۔

سلمان خان ‘بیٹل آف گلوان’ فلم میں بھی نظر آئیں گے، جو 2020 کے بھارت چین فوجی تصادم پر مبنی ہے۔