لاہور: (رائیٹ ناوٴ نیوز) ضلعی انتظامیہ نے بسنت کے موقع پر پتنگ اور ڈور کی قیمتیں مناسب رکھنے کی خاطر مینوفیکچررز اور تاجروں کی رجسٹریشن کی تاریخ میں توسیع کر دی ہے۔

ترجمان ضلعی انتظامیہ نے کہا ہے کہ یہ اقدام مارکیٹ میں قیمتوں کے توازن کو برقرار رکھنے کے لیے کیا گیا ہے۔ آن لائن پورٹل پر رجسٹریشن کی آخری تاریخ 31 جنوری تھی، جو اب بڑھا کر 8 فروری کر دی گئی ہے۔

پتنگ اور ڈور کی درآمد کے لیے ایس او پیز کے تحت دیگر شہروں اور صوبوں سے اجازت کے بعد یہ توسیع کی گئی ہے تاکہ زیادہ سے زیادہ تاجر اور مینوفیکچررز رجسٹریشن کروا سکیں۔