واشنگٹن: (رائیٹ ناوٴ نیوز) امریکی صدر ڈونلڈ ٹرمپ نے ایران کے ساتھ بڑھتی ہوئی کشیدگی کے باوجود مذاکرات کی امید ظاہر کی ہے، جبکہ امریکی بحری جہاز ایران کی طرف روانہ ہو چکے ہیں۔ انہوں نے کینیڈی سینٹر میں میڈیا سے گفتگو کے دوران کہا کہ یہ بہتر ہوگا اگر ان جہازوں کا استعمال نہ کرنا پڑے۔

ٹرمپ نے کہا کہ امریکا کے دو بنیادی مطالبات ہیں: ایران کو ایٹمی ہتھیار بنانے سے روکنا اور مظاہرین کو پھانسیاں دینے کا سلسلہ بند کرانا۔ انہوں نے کہا کہ اگر ایران نے مظاہرین کے خلاف تشدد جاری رکھا تو امریکا مداخلت پر مجبور ہوگا۔

صدر ٹرمپ نے زور دیا کہ امریکا تصادم نہیں چاہتا بلکہ سفارتی حل کو ترجیح دیتا ہے، لیکن قومی سلامتی اور انسانی حقوق پر کوئی نرمی نہیں برتی جائے گی۔ انہوں نے ایران کو عالمی برادری کے اصول اپنانے کی بھی تاکید کی۔

ٹرمپ نے کیوبا پر دباؤ ڈالنے کی امریکی پالیسی کا دفاع کرتے ہوئے کہا کہ کیوبا کو اپنے طرز حکمرانی پر نظرثانی کرنا ہوگی۔