راولپنڈی: (رائیٹ ناوٴ نیوز) پاکستان تحریک انصاف نے اڈیالہ جیل میں قید عمران خان کی آنکھ میں انفیکشن کا خدشہ ظاہر کیا ہے، جس کی تصدیق حکومت نے کی ہے۔ عمران خان کی آنکھ سینٹرل ریٹینل وین اوکلژن (سی آر وی او) سے متاثر ہے، جو بینائی کے لیے خطرناک ہو سکتا ہے۔

امریکن اکیڈمی آف آپتھیلمالوجی کے مطابق، جب آنکھ کی اہم شریان بند ہو جاتی ہے تو خون اور مائع رٹینا میں رسنے لگتا ہے، جس سے سوجن اور مرکزی بینائی متاثر ہو سکتی ہے۔ اگر خون کی گردش بحال نہ کی گئی تو اعصابی خلیات مر سکتے ہیں اور بینائی مزید کم ہو سکتی ہے۔

سی آر وی او کی عام علامات میں آنکھ کی بینائی کا دھندلا ہونا اور آنکھ میں تیرتے ہوئے دھبے یا سیاہ لکیریں شامل ہیں۔ شدید کیسز میں آنکھ میں درد بھی محسوس ہو سکتا ہے۔ یہ حالت زیادہ تر 50 سال سے زائد عمر کے افراد میں ہوتی ہے۔

تشخیص کے لیے آنکھ کے ڈاکٹر پتلیوں کو پھیلا کر رٹینا کا معائنہ کرتے ہیں۔ علاج کے لیے اینٹی-وی ای جی ایف انجیکشنز یا اسٹیرائیڈ انجیکشنز دیے جاتے ہیں، اور شدید کیسز میں لیزر سرجری کی جاتی ہے۔

سی آر وی او کی شدت اور علاج کے آغاز کا وقت بینائی کی بحالی کا فیصلہ کرتا ہے، اس لیے فوری تشخیص اور علاج لازمی ہے۔