لندن: (رائیٹ ناوٴ نیوز) برطانوی حکومت نے اعلان کیا ہے کہ ملک کے ہر بالغ شہری کو آرٹیفیشل انٹیلیجنس (اے آئی) ٹیکنالوجی کے مؤثر استعمال کی تربیت فراہم کی جائے گی۔ یہ مختصر کورسز 20 منٹ سے بھی کم وقت میں مکمل کیے جا سکتے ہیں۔

حکومتی اقدام کو ڈپارٹمنٹ فار سائنس، انوویشن اینڈ ٹیکنالوجی کے تعاون کے ساتھ بزنس ایکسپرٹ پینل اور ٹریڈ یونینز کی حمایت حاصل ہے۔ اس تربیت کا مقصد ورکرز کو روزمرہ کے معمولی کاموں سے آزاد کرنا اور زیادہ مہارت والی نوکریاں پیدا کرنا ہے۔

کورس مکمل کرنے والے افراد کو ورچوئل اے آئی فاؤنڈیشن بیج دیا جائے گا۔ وزراء کا ماننا ہے کہ برطانیہ جی سیون ممالک میں تیزی سے اے آئی کو اپنانے والا ملک بنے گا۔

تاہم، کچھ ورکرز نے ٹیکنالوجی کے غلط استعمال کے خدشات کا اظہار کیا ہے، جیسا کہ کچھ موجودہ تکنیکی مسائل، جیسے میکابی تل ابیب کے فٹبال شائقین کے معاملے میں ہوا۔

ٹیکنالوجی سیکریٹری لز کینڈل نے یقین دہانی کرائی کہ حکومت لوگوں کو اے آئی کے خطرات سے بچانے کے لیے اقدامات کرے گی اور اس کے فوائد سے ہر فرد کو مستفید کرنے کی کوشش کرے گی۔