اسلام آباد: (رائیٹ ناوٴ نیوز)بورڈ آف پیس نے پاکستان کو اپنی بین الاقوامی تنظیم کا بانی رکن بننے پر باضابطہ طور پر خوش آمدید کہا ہے۔ تنظیم کی جانب سے سوشل میڈیا پلیٹ فارم پر جاری بیان میں پاکستان کی بانی رکنیت کی تصدیق کی گئی۔

The Board of Peace welcomes Pakistan as a founding member of our growing international organization. pic.twitter.com/nyAy69v9g8

— Board of Peace (@BoardOfPeace) January 28, 2026

اس سے قبل پاکستان کے وزیراعظم شہباز شریف نے 23 جنوری کو ڈیووس میں عالمی اقتصادی فورم کے اجلاس کے دوران بورڈ آف پیس کے چارٹر پر دستخط کیے تھے۔

بورڈ آف پیس کے بیان میں کہا گیا کہ پاکستان کو تنظیم کی بڑھتی ہوئی عالمی رکنیت میں شامل کیے جانے پر خوشی ہے۔ بیان کے مطابق پاکستان کا کردار عالمی امن کے لیے اہم سمجھا جاتا ہے۔

ڈیووس میں منعقدہ تقریب میں 19 ممالک کے سربراہان اور سینئر حکام شریک ہوئے تھے۔تقریب سے خطاب میں امریکی صدر نے کہا تھا کہ امن کے لیے بروئے کار لائی جانے والی اجتماعی صلاحیت دشمن قوتوں کو ناکام بنا دے گی۔

واضح رہے کہ  فرانس، برطانیہ اور جرمنی سمیت بعض بڑی طاقتیں تاحال اس تنظیم میں شامل نہیں ہوئیں۔