اسلام آباد: (رائیٹ ناوٴ نیوز) پاکستان نے5 202 میں چین کو معدنی برآمدات میں نمایاں اضافہ ریکارڈ کیا، جس کی بڑی وجہ دونوں ممالک کے صنعتی تعاون میں اضافہ اور چینی صنعت کی بڑھتی ہوئی طلب ہے۔ چین کی جنرل ایڈمنسٹریشن آف کسٹمز کے جاری کردہ اعداد و شمار کے مطابق پاکستان کی تانبے کی برآمدات 1.14 ارب ڈالر تک پہنچ گئیں جبکہ تانبے کی کانوں کی برآمدات 11 ملین ڈالر سے تجاوز کر گئیں۔ ایلومینیم کی برآمدات میں بھی غیر معمولی اضافہ ہوا جو 0.29 ملین ڈالر سے بڑھ کر 14.16 ملین ڈالر تک پہنچ گیا۔

دیگر معدنی شعبوں میں بھی مضبوط کارکردگی دیکھی گئی، جیسے کہ آئرن اور کیمیائی لوہے کی برآمدات 101 ملین ڈالر سے زائد رہیں۔ زنک کی کانوں کی برآمدات 110.90 ملین ڈالر تک پہنچ گئیں جبکہ کرومیم کی برآمدات 89.43 ملین ڈالر ریکارڈ کی گئیں۔

پاکستانی وزارتِ تجارت کے سینئر عہدیدار نے بتایا کہ یہ اضافہ پاکستان کے معدنی وسائل اور چین کی صنعتی طلب کے درمیان مضبوط ہم آہنگی کا نتیجہ ہے، جسے بہتر لاجسٹکس اور طویل المدتی تجارتی شراکت داریوں نے سہارا دیا۔ چین میں پاکستان کے سفارتی ٹریڈ اینڈ انویسٹمنٹ کونسلر غلام قادر نے کہا کہ تانبے کی برآمدات میں تیز رفتار اضافہ پاکستان اور چین کے درمیان تجارت کی اہم پیش رفت ہے۔