خیبر کی وادی تیراہ میں 80-85 فیصد انخلا مکمل، شدید برف باری کی وجہ سے معطل۔
خیبر: (رائیٹ ناوٴ نیوز) خیبر ضلع کی شورش زدہ وادی تیراہ سے 80 سے 85 فیصد مکینوں کا انخلا مکمل ہو چکا ہے، تاہم خراب موسم کے باعث یہ عمل عارضی طور پر معطل کر دیا گیا ہے۔ حکومتیں ایک دوسرے پر انخلا کی ذمہ داری ڈال رہی ہیں۔
شدید برف باری کی وجہ سے انخلا کا عمل روک دیا گیا ہے، جبکہ جو خاندان برفانی طوفان میں پھنس گئے تھے، انہیں دو روزہ ریسکیو آپریشن کے بعد باڑہ پہنچا دیا گیا ہے۔ ریسکیو 1122 نے 1500 سے زائد افراد کو محفوظ مقامات تک منتقل کیا۔
خیبر سے باڑہ تک 110 کلومیٹر سڑک پر شدید سردی اور برف باری کی وجہ سے متاثرہ خاندانوں کو مشکلات کا سامنا رہا۔ ضلعی حکام کے مطابق منگل تک صرف 15 فیصد خاندانوں کا انخلا باقی تھا۔
انخلا کی آخری تاریخ میں موسمی حالات کی وجہ سے توسیع کی گئی ہے۔ ذرائع کے مطابق انخلا کی معطلی کے باعث وادی میں موجود خاندانوں کو خوراک کی قلت کا سامنا ہے۔
باڑہ میں قبائلی عمائدین اور سیاسی نمائندوں نے حکومتوں پر الزام عائد کیا کہ ممکنہ فوجی آپریشن کے لیے خاندانوں کو بے گھر کیا جا رہا ہے۔ رجسٹریشن کے عمل کو تیز اور شفاف بنانے کے لیے مراکز کی تعداد بڑھا دی گئی ہے۔
