لاہور: (رائیٹ ناوٴ نیوز) میگا موٹر کمپنی نے بی وائی ڈی کے ساتھ شراکت سے لاہور میں منعقدہ ایک تقریب میں دو نئی الیکٹرک اسپورٹ یوٹیلیٹی وہیکلز (SUVs)، بی وائی ڈی سیلین 7 اور بی وائی ڈی اٹو 2،متعارف کروا دی ہیں۔

بی وائی ڈی پاکستان کے کنٹری ہیڈ لی جیان نے اس موقع پر کہا کہ ان گاڑیوں کا تعارف پاکستان کی آٹوموٹو مارکیٹ میں جدید ٹیکنالوجی اور جدت لانے کے عزم کی عکاسی کرتا ہے۔

بی وائی ڈی پاکستان – ایم ایم سی کے نائب صدر برائے سیلز اور اسٹریٹیجی دانش خلیق نے کہا کہ پاکستان میں مستقبل کی نقل و حرکت الیکٹرک اور طویل مدتی ترقی کے لیے تیار ہے۔

پائیدار ٹرانسپورٹیشن کو فروغ دینے کی کوشش میں، بی وائی ڈی-ایم ایم سی اور حبکو گرین کے تعاون سے پاکستان کا پہلا نیشنل نیو انرجی وہیکل (NEV) چارجنگ کوریڈور تعمیر کر رہے ہیں، جو کراچی سے پشاور تک تقریباً 1,300 کلومیٹر پر محیط ہوگا اور بڑے شہروں اور موٹرویز کا احاطہ کرے گا۔