تہران: (رائیٹ ناوٴ نیوز) ایران نے عالمی برادری کو خبردار کیا ہے کہ امریکا اور اسرائیل دہشتگردی کی معاونت کر رہے ہیں۔ ایران کی انسداد دہشتگردی فورس نے مختلف مقامات پر چھاپے مارے اور اسرائیلی خفیہ ایجنسی سے منسلک فسادیوں کی گرفتاری کا دعویٰ کیا ہے۔

ایرانی میڈیا نے ملک میں فساد میں ملوث گرفتار افراد کی ویڈیو بھی جاری کی ہے۔ ایران نے عالمی اداروں کو امریکا اور اسرائیل کی دہشتگردی کی معاونت کے بارے میں آگاہ کیا ہے۔

گذشتہ روز ایرانی وزارت خارجہ نے کہا کہ کسی بھی جارحیت کی صورت میں ایران منہ توڑ جواب دے گا۔ امریکی فوج کے مطابق بحری بیڑے کی موجودگی سے خطے میں امریکا کی عسکری قوت میں اضافہ ہو گیا ہے۔

مغربی ممالک نے ایران کو ڈیووس سربراہی اجلاس کے دوران سائیڈلائن سفارتی ملاقات سے روک دیا تھا، ایرانی ترجمان کا کہنا ہے۔