لاہور: (رائیٹ ناوٴ نیوز) وزیراعلیٰ پنجاب مریم نواز نے پنجاب بھر میں پالتو شیر رکھنے کی قانونی اجازت ختم کرنے کا فیصلہ کیا ہے۔ یہ اقدام 8 سالہ بچے واجد کے بازو کے نقصان کے بعد کیا گیا۔

واجد کو گنگا رام اسپتال منتقل کیا گیا اور اسے جدید بائیونک آرم لگانے کی ہدایت کی گئی ہے۔ وزیراعلیٰ نے واقعہ چھپانے پر سخت قانونی کارروائی کا حکم بھی دیا ہے۔

پولیس اور محکمہ جنگلی حیات نے ملزمان کو گرفتار کر لیا ہے اور ایف آئی آر درج کر لی گئی ہے۔ فارم ہاؤس کے مالک نے والدین کو جھوٹی کہانی سنانے پر مجبور کیا تھا۔

پنجاب وائلڈ لائف ایکٹ کے تحت وائلڈ کیٹس رکھنے کا لائسنس ختم کرنے کی ہدایت دی گئی ہے۔