لاہور: (رائیٹ ناوٴ نیوز) قومی ٹی ٹوئنٹی ٹیم کے کپتان سلمان علی آغا نے کہا ہے کہ وہ ورلڈ کپ میں شائقین کی توقعات پر پورا اترنے کی کوشش کریں گے۔ انہوں نے کہا کہ پاکستان کے لیے بابراعظم نے کم بیک کے بعد اچھا کھیل پیش کیا ہے اور ہر کھلاڑی کا اپنا کردار ہے۔

سلمان علی آغا نے مزید کہا کہ گزشتہ کچھ ٹورنامنٹس میں ٹیم کی کارکردگی تسلی بخش نہیں رہی، تاہم سری لنکا میں زیادہ ہائی سکورنگ گیم نہیں ہوتی، اور ہمیں وہاں اچھی کرکٹ کھیلنی ہوگی۔

قومی ٹی 20 کرکٹ ٹیم کے کپتان نے مزید کہا کہ اس بار ہمیں سفر نہیں کرنا پڑے گا، جبکہ باقی ٹیموں کو سفر کرنا پڑے گا۔