اسلام آباد: (رائیٹ ناوٴ نیوز) حکومت نے وادی تیراہ کو فوجی احکامات پر خالی کرانے کی خبروں کی تردید کردی۔ وزارت اطلاعات و نشریات نے وضاحت کی کہ یہ دعوے بے بنیاد اور بدنیتی پر مبنی ہیں جو عوام میں خوف و ہراس پیدا کرنے کے لیے کیے گئے ہیں۔

وزارت اطلاعات نے کہا کہ کسی بھی حکومتی یا عسکری ادارے نے وادی تیراہ کو خالی کرانے کا کوئی حکم جاری نہیں کیا۔ قانون نافذ کرنے والے ادارے دہشت گرد عناصر کے خلاف کارروائیاں کر رہے ہیں اور شہریوں کی زندگی کے تحفظ کو یقینی بناتے ہیں۔

خیبرپختونخوا حکومت نے ریلیف اور بحالی کے لیے فنڈز جاری کیے ہیں تاکہ عارضی نقل مکانی کی صورت میں ضروری اقدامات کیے جا سکیں۔ یہ نقل و حرکت مقامی آبادی کی رضامندی اور خواہش پر مبنی ہے اور کسی فوجی حکم کا حصہ نہیں۔

وزارت اطلاعات نے اس بات پر زور دیا کہ میڈیا میں آنے والی ہر خبر کو فوج سے منسلک کرنا غلط ہے اور ان بیانات کا مقصد سکیورٹی اداروں کو بدنام کرنا ہے۔