نیو جرسی: (رائیٹ ناوٴ نیوز) امریکی ریاست نیو جرسی کے ساحل پر دہائیوں سے گمشدہ انگوٹھی بالآخر اپنی اصل مالکن کو واپس کر دی گئی۔ اینڈریو کیفر نامی شخص کو بیلمر کے ساحلی علاقے میں میٹل ڈیٹیکٹر کی مدد سے انگوٹھی ملی، جس پر B.W. کندہ تھا۔

کیفر نے انگوٹھی کے مالک کا سراغ لگانے کا فیصلہ کیا اور نیبراسکا کے کریٹ ہائی اسکول سے رابطہ کیا۔ تحقیق کے بعد معلوم ہوا کہ B.W. سے مراد باربرا ویلاج ہیں، جو 1966 کی کلاس کی طالبہ تھیں۔

باربرا ویلاج کی بہن سینڈی ویلاج روش کا کہنا ہے کہ انہیں معلوم نہیں کہ یہ انگوٹھی نیو جرسی کے ساحل تک کیسے پہنچی۔ باربرا کبھی بوسٹن میں مقیم رہی تھیں، مگر انگوٹھی کا نیو جرسی تک پہنچنا ایک معمہ ہے۔

یہ واقعہ سوشل میڈیا پر دلچسپی کا باعث بنا ہے، جہاں لوگ اینڈریو کیفر کی ایمانداری اور انگوٹھی کی واپسی کو سراہ رہے ہیں۔