لاہور: (رائیٹ ناوٴ نیوز) پاکستان کرکٹ بورڈ کے چیئرمین محسن نقوی نے کہا ہے کہ پاکستان کی ورلڈ کپ میں شرکت کا فیصلہ حکومت کرے گی۔ انہوں نے اس بات پر زور دیا کہ کسی ملک کو ڈکٹیٹ کرنے کا حق نہیں ہے اور پاکستان اپنے موقف پر قائم رہے گا۔

محسن نقوی نے پریس کانفرنس میں کہا کہ کھلاڑیوں کے فراڈ کے معاملے پر ابھی تک کوئی رابطہ نہیں ہوا، کھلاڑیوں کی جانب سے اطلاع ملنے پر ہی فیصلہ کیا جائے گا۔

انہوں نے وزیراعظم کی وطن واپسی کا انتظار کرنے کا ذکر کرتے ہوئے کہا کہ بنگلہ دیش کے ساتھ زیادتی ہو رہی ہے اور انہیں ورلڈ کپ میں شامل ہونا چاہیے۔

محسن نقوی نے مزید کہا کہ آئی سی سی سے زیادہ حکومت کے تابع ہیں اور گراؤنڈز کی بہتری کے لیے حکومت پنجاب کے ساتھ مل کر کام کر رہے ہیں تاکہ اسٹیڈیمز کی سہولیات بہتر بنائی جا سکیں۔