امریکی صدر ٹرمپ نے ایران کے ساتھ بات چیت کی تیاری کا اعلان کیا ہے، اور مشرق وسطیٰ میں فوجی اثاثے منتقل کیے جا رہے ہیں۔
واشنگٹن: (رائیٹ ناوٴ نیوز) امریکی صدر ڈونلڈ ٹرمپ نے اعلان کیا ہے کہ ایران بات چیت کے لیے تیار ہے اور ہم بھی مذاکرات کے لیے تیار ہیں۔ انہوں نے کہا کہ ایران کی طرف بڑی فورس بھیجی جا رہی ہے۔
ٹرمپ نے مزید بتایا کہ امریکی فوجی اثاثے مشرق وسطیٰ منتقل ہو رہے ہیں اور گرین لینڈ کی سکیورٹی پر نیٹو کے ساتھ مل کر کام کرنے کا وعدہ کیا ہے۔ انہوں نے اعلان کیا کہ وہ اپریل میں چین کا دورہ کریں گے اور سال کے اختتام پر چینی صدر امریکا آئیں گے۔
امریکی صدر نے کہا کہ زیلنسکی اور پیوتن دونوں معاہدہ کرنا چاہتے ہیں اور جلد اس بارے میں مزید معلومات سامنے آئیں گی۔ انہوں نے کہا کہ ایران کے قریب احتیاطی طور پر فورس تعینات کی جا رہی ہے، دیکھتے ہیں کہ آگے کیا ہوتا ہے۔
صدر ٹرمپ نے زور دیا کہ اگر ہم نے ایران کے ایٹمی نظام کو نشانہ نہ بنایا ہوتا تو ایران دو ماہ کے اندر جوہری ہتھیار حاصل کر لیتا۔
