ویلنگٹن: (رائیٹ ناوٴ نیوز) آئی سی سی ٹی ٹوئنٹی ورلڈ کپ سے قبل نیوزی لینڈ کرکٹ ٹیم کو بڑا دھچکا لگا ہے، کیونکہ فاسٹ بالر ایڈم ملن انجری کے باعث ورلڈ کپ سے باہر ہوگئے ہیں۔

نیوزی لینڈ کرکٹ بورڈ کے مطابق ایڈم ملن کو جنوبی افریقا کی لیگ ایس اے ٹوئنٹی میں ہیمسٹرنگ انجری کا سامنا کرنا پڑا تھا، جس کے نتیجے میں انہیں ورلڈ کپ سے باہر ہونا پڑا۔ ان کی جگہ کائل جیمیسن کو اسکواڈ میں شامل کیا گیا ہے۔

کائل جیمیسن کو ورلڈکپ کے لیے نیوزی لینڈ ٹیم میں ٹریولنگ ریزرو کے طور پر شامل کیا گیا تھا۔

ٹی ٹوئنٹی ورلڈ کپ فروری اور مارچ میں بھارت اور سری لنکا میں منعقد ہوگا، جبکہ پاکستان کرکٹ ٹیم اپنے تمام میچز سری لنکا میں کھیلے گی۔