اسلام آباد: (رائیٹ ناوٴ نیوز) متحدہ قومی موومنٹ کے رہنما خواجہ اظہار الحسن نے کہا کہ ستائیس ویں ترمیم نے مزید ترامیم کا راستہ کھول دیا ہے، جبکہ کم از کم تین مزید ترامیم آئیں گی۔ ان کا کہنا تھا کہ پیپلز پارٹی نے سندھ کو نقصان پہنچایا ہے۔

خواجہ اظہار الحسن نے مزید کہا کہ گھی سیدھی انگلی سے نہیں نکل رہا اور ترمیم آ رہی ہے۔ ان کے مطابق پیپلز پارٹی کی حکومت میں سندھ کو برباد کر دیا گیا۔

ایم کیو ایم کے رہنما قادر مندوخیل نے کہا کہ خواجہ آصف اسمبلی میں اٹھارہویں ترمیم پر تنقید کر رہے ہیں اور سندھ حکومت کے زخموں پر نمک چھڑک رہے ہیں۔

انہوں نے مزید کہا کہ 2012 میں مصطفیٰ کمال کے لوگوں نے بلدیہ فیکٹری کے مالکان سے پندرہ کروڑ روپے مانگے تھے، رقم نہ دینے پر فیکٹری کو تالے لگا کر مزدوروں کو زندہ جلا دیا گیا تھا اور حماد صدیقی آج بھی روپوش ہے۔