قومی اسمبلی میں بتایا گیا کہ ایک سال میں 6.5 ملین گستاخانہ اور فحش پوسٹس بلاک کی گئی ہیں۔ پارلیمنٹیرینز نے آن لائن دھوکہ دہی والی ویب سائٹس کے خلاف مزید اقدامات کا مطالبہ کیا۔
اسلام آباد: (رائیٹ ناوٴ نیوز) قومی اسمبلی کو جمعرات کے روز سوال و جواب کے دوران آگاہ کیا گیا کہ متعلقہ حکام نے ایک سال کے اندر 6.5 ملین گستاخانہ اور فحش مواد پر مبنی پوسٹس بلاک کی ہیں۔ یہ سوال پیپلز پارٹی کے رکن اسمبلی سید حسین طارق نے اٹھایا۔
انہوں نے کہا کہ ویب مانیٹرنگ سسٹم کے ذریعے لاکھوں ویب سائٹس کو بلاک کرنے کے باوجود آن لائن دھوکہ دہی والی ویب سائٹس سرگرم ہیں۔
انہوں نے کہا کہ اراکین پارلیمنٹ کو اب بھی ایسے فراڈ پلیٹ فارمز کے ذریعے پیغامات موصول ہو رہے ہیں اور مطالبہ کیا کہ ان کے خلاف کیا اقدامات کیے گئے ہیں۔
