پشاور: (رائیٹ ناوٴ نیوز) صدرِ مملکت نے پشاور ہائیکورٹ میں چھ نئے ججز کی تقرری کی منظوری دے دی ہے۔ جسٹس محمد طارق آفریدی، جسٹس عبدالفیاض، جسٹس صلاح الدین، جسٹس صادق علی، جسٹس سید مدثر امیر اور جسٹس قاضی جواد احسن کو ہائیکورٹ کے جج مقرر کیا گیا ہے۔

وزارتِ قانون کے اعلامیے کے مطابق یہ تقرریاں عدلیہ کی استعداد کار بڑھانے اور مؤثر قانونی نظام کو مضبوط بنانے کے لیے کی گئی ہیں۔

نئے ججز کی تعیناتی سے ہائیکورٹ میں مقدمات کی سماعت کے عمل میں تیزی اور شفافیت آئے گی، جبکہ عدالتی فیصلوں کی بروقت فراہمی کو یقینی بنایا جا سکے گا۔