اسلام آباد: (رائیٹ ناوٴ نیوز) پاکستان پیپلز پارٹی کے سینئر رہنما سید نوید قمر نے قومی اسمبلی میں خواجہ آصف کی 18ویں ترمیم پر تنقید کو شدید تنقید کا نشانہ بنایا۔ انہوں نے کہا کہ کراچی گل پلازہ میں آگ کو 18ویں ترمیم کے خلاف استعمال کیا جا رہا ہے۔

نوید قمر نے کہا کہ خواجہ آصف کے بیان کو حکومتی پالیسی سمجھا جا رہا ہے۔ انہوں نے وفاقی وزیر کی جانب سے 18ویں ترمیم پر سوالات اٹھانے پر اعتراض کیا اور کہا کہ مضبوط پاکستان مضبوط صوبوں سے ہی ممکن ہے۔

انہوں نے مزید کہا کہ وفاق کو صوبوں کے وسائل واپس لینے کی کوشش کرنا غلط ہے اور یہ اقدام ملک کے مستقبل کو خطرے میں ڈال سکتا ہے۔