اسلام آباد: (رائیٹ ناوٴ نیوز) سینیٹ میں قائد حزب اختلاف علامہ راجہ ناصر عباس نے کہا ہے کہ اگر آرمی چیف اپنی ڈومین میں چلے جائیں تو میں ان کے ہاتھ چوموں گا۔

اپوزیشن لیڈر کی حیثیت سے اپنی پہلی تقریر میں انہوں نے سیاسی بحران کے خاتمے کے لیے عمران خان کی رہائی کو واحد حل قرار دیا اور کہا کہ اللہ نے تمام پیغمبر عدل کے لیے بھیجے۔

علامہ راجہ ناصر عباس نے تینوں ریاستی اداروں کے استقلال کے خاتمے پر تحفظات کا اظہار کیا اور کہا کہ چند دہشتگردوں کی تلاش کے لیے پورے علاقے کو اٹھا دیا گیا۔

انہوں نے مزید کہا کہ ملک میں عدل و انصاف قائم کیا جائے، لاہور میں ہماری گاڑیوں کے شیشے توڑے گئے، کیا ہم دہشتگرد تھے؟ عوام کو بولنے دیں تاکہ ملک مضبوط ہو سکے۔

انہوں نے بانی پی ٹی آئی کی رہائی کا مطالبہ کیا اور اپنے خاندان کی فوج کے ساتھ جنگوں میں شرکت کا ذکر کیا۔