اسلام آباد: (رائیٹ ناوٴ نیوز) حکومت نے استعمال شدہ گاڑیوں کی درآمد کے حوالے سے پرسنل بیگیج اسکیم کو کچھ سخت شرائط کے ساتھ جاری رکھنے کا فیصلہ کیا ہے، جس سے خدشہ ظاہر کیا جا رہا ہے کہ پرانی خامیاں دوبارہ پیدا ہو سکتی ہیں۔ دس برس قبل مقامی مارکیٹ میں محدود انتخاب کی وجہ سے یہ درآمدات ضروری تھیں، مگر اب پاکستان میں درجن کے قریب گاڑی ساز کمپنیاں موجود ہیں اور جدید ماڈلز دستیاب ہیں۔

حکومت نے باقاعدہ چینلز کے ذریعے 40 فیصد ریگولیٹری ڈیوٹی کے ساتھ درآمد کی اجازت دے کر مقامی صنعت کو تحفظ فراہم کرنے کی کوشش کی ہے، مگر پرسنل گفٹ اسکیم کو جاری رکھنا قابل تنقید ہے کیونکہ یہ تجارتی درآمد کنندگان کے ذریعہ غلط استعمال ہوتی رہی ہے۔

حکومت کو چاہیے کہ ان اسکیموں کو مکمل طور پر ختم کرے کیونکہ یہ زرمبادلہ کے ذخائر میں کمی کا باعث بنتی ہیں اور مقامی صنعت پر غیر منصفانہ دباؤ ڈالتی ہیں۔