سڈنی: (رائیٹ ناوٴ نیوز) بِگ بیش لیگ کے میچ میں سڈنی سکسرز کے بابر اعظم اور اسٹیو اسمتھ کے درمیان رن لینے کی کوشش پر تنازعہ پیدا ہوا۔ بابر اعظم نے 11ویں اوور کی آخری گیند پر رن لینے کی کوشش کی جسے اسمتھ نے مسترد کر دیا، جس پر بابر اعظم نے ناراضگی ظاہر کی۔

12ویں اوور میں اسمتھ نے اسٹرائیک پر آکر رائن ہیڈلے کے اوور میں لگاتار چار چھکے مار کر 32 رنز حاصل کیے۔

بابر اعظم جب 13ویں اوور میں اسٹرائیک پر آئے تو نیتھن مک اینڈریو کی پہلی گیند پر بولڈ ہوگئے۔

سڈنی سکسرز نے اسمتھ کی 42 گیندوں پر شاندار سنچری کی بدولت سڈنی تھنڈرز کو 5 وکٹوں سے شکست دی۔